Të dyja vendet prisnin të merrnin ‘dritë jeshile’ për fillimin e negociatave për në BE, proces që mund të zgjasë disa vite

Liderët e Bashkimit Evropian kanë ndërprerë bisedimet pa ndonjë marrëveshje nëse do të fillojnë negociatat për anëtarësimin e Shqipërisë dhe Maqedonisë së Veriut, pavarësisht paralajmërimeve se largimi i tyre do të dëmtojë reputacionin e BE-së dhe rrezikon të irritojë rajonin e paqëndrueshëm të Ballkanit.

Të dyja vendet prisnin të merrnin ‘dritë jeshile’ për fillimin e negociatave për në BE, proces që mund të zgjasë disa vite. Komisioni Evropian, i cili mbikëqyrë bisedimet, insiston që të dyja vendet kanë përmbushur të gjitha kriteret. Liderët kishin premtuar një vendim mbi të ardhmen e tyre deri në fund të tetorit, por bisedimet e tyre u ndërprenë sot në mëngjes.

Presidenti francez Emmanuel Macron refuzon të lejojë çdo vend të ri në bllokun prej 28 vendeve derisa të përmirësohen procedurat e zgjerimit, ndërsa Holanda kundërshton kandidaturën e Shqipërisë dhe kundërshton vlerësimin e Komisionit./AA